Për gjashtë vjet, Kosova grumbulloi 142 lojtarë

Përfaqësuesja e Kosovës e mbylli vitin 2015, me shpresën se do të jetë i fundit pa pjesëmarrjen në garat ndërkombëtare.

Përzgjedhësi Albert Bunjaku, e mbylli edhe një vit të suksesshëm, derisa ka bërë edhe një rezyme të gjashtë viteve prej se e ka drejtuar Përfaqësuesen.

Sipas tij, deri më tash ai ka grumbulluar hiq më pak se 142 lojtarë, të ndarë në tri faza.

“Nga viti 2009-2015 në kombëtaren e Kosovës kemi pasur gjithsejt 142 lojtarë në seleksionime, duke kaluar nga faza e seleksionimit grupor, faza e seleksionimit individual dhe tani në fazën e konkurrencës. Nga këta 142 lojtarë, 91 kanë qenë nga Superliga e Kosovës, 51 nga Evropa, përfshirë këtu edhe Shqipërinë. Pra 64% Superliga, 36 nga Europa + Shqipëria”, ka deklaruar Bunjaku për GazetaOlle.com.

Sipas tij, mosha mesatare e gjithë këtyre lojtarëve ka qenë 23-vjeç.

Ai është kritikuar shumë herë për lënien anash të futbollistëve nga Superliga e Kosovës. /Olle