Pas sa ditësh është mposhtur në shtëpi Goldon State?

Pas 430 ditësh Golden State Warriors mundet sërish në Oracle Arena dhe tashmë skuadrës nga Oakland i duhet të vuajë deri në fund për të thyer rekordin e Chicago Bulls të sezonit 1995-1996.

Për të rrëzuar një mit nevoitej një tjetër mit, sepse pas 54 fitoresh radhazi të arritura në shtëpi përgjatë sezonit të rregullt duke vendosur një rekord të ri, kampionët në fuqi u mposhtën pikërisht nga skuadra më e madhe në të gjithë historinë e Nba, Boston Celtics. Në Oracle Arena, 17-herë kampionët e Nba triumfuan me shifrat 109-106 dhe tashmë janë shumë pranë kualifikimit në play-off.

Për skuadrën nga Massacusets shkëlqeu dyshja e përbërë nga Isaiah Thomas dhe Evan Turner, me të dy këta basketbollistë që realizuan sëbashku 43 pikë 11 asiste dhe 5 rebound. Paraqitje e mirë në rradhët e Golden State e të përhershmit Stephen Curry që e mbylli sfidën me 29 pikë 6 asiste dhe 5 topa të kontrolluar poshtë tabelës.

Me 68 fitore dhe 8 humbje në 76 takime gjithsej, Warriors nuk duhet të pësojnë më shumë se 1 disfatë deri në 6 ndeshjet e mbetura për të thyer rekordin historik të Chicago Bulls me 72 fitore dhe 10 humbje.

Në ndeshjet e tjera të mbrëmjes së Nba spikat suksesi i Toronto Raptors që fitoi brenda në Tennessee, përballë Memphis Grizliess me shifrat 99-95. Dy heronjtë e skuadrës kanadeze ishin DeMar DeRozan dhe Kyle Lowry që realizuan respektivisht 27 dhe 22 pikë.

Një fitore fantastike pas kohës shtesë arriti, Cleveland Cavaliers që mundi brenda në Georgia, Atlanta Hawks 110-108. I mrekullueshëm Lebron James që e mbyll ndeshjen me 29 pikë 9 asiste dhe plot 16 rebound.

loading...

Loading...