Mbyllet kështu dueli i shqiptarëve në Premierligë

Me një paraqitje spektakulare, Arsenal ka shënuar fitore 1:4 në udhëtim te Stoke City.

Skuadra e Wenger, ka dominuar takimin e zhvilluar në stadiumin “365Bet”, për të arkëtuar tre pikë shumë në rëndësishme, në garën për Ligën e Kampionëve.

Sulmuesi Oliver Giroud, në minutën e 42-të, kaloi në epërsi Arsenalin, ndërsa në minutën e 55-të, Ozil dyfishoi epërsinë.

Stoke u rikthye në lojë kur Peter Crouch shënoi për 1:2 në minutën e 68-të.

I shpejtë ishte reagimi i Arsenalit, me dy gola tjerë të shënuar. Sanchez në minutën e 76-të dhe Giroud me golin e tij të dytë në këtë takim në minutën e 80-të, vendosën fatin e këtij takimi.

Arsenal tani me 69 pikë, zë vendin e pestë në Premierligë, me një pikë më pak se Liverpool, dhe tre më pak se Manchester City.