Ky është klubi me më së shumti tituj ndërkombëtar

Ndryshim bilanci në luftën për tituj ndërkombëtar mes dy klubeve të urryera, Real Madrid dhe Barcelona.

 

Me fitoren e Botërorit të Klubeve ndaj Kashima-s , Real Madrid e çon në 21 numrin e titujve ndërkombëtarë në historinë e klubit “Los Blancos”, duke thyer ekuilibrin që zgjaste deri më sot me Barcelonën për sa i përket këtij aspekti.

Në 114 vitet e historisë, Real ka fituar 11 trofe të Champions League, 2 Botërore për Klube, 3 Kupa Interkontinentale, 3 Superkupa të Europës, 2 Kupa UEFA.

Barcelona ka fituar 20 trofe ndërkombëtare, një titull më pak se Real Madrid. Katalanasit kanë 5 trofe të Champions League, 3 Botërore për Klube, 5 Superkupa të Europës, 3 Kupa Panairesh, 4 Kupa Kupash.