Kombëtarja e Kosovës në karate kërkon pikë Olimpike në Premier Ligën Paris 2019

Kombëtarja e Kosovës në karate ka udhëtuar drejt Parisit të Francës, ku prej sot deri të dielën do të mbahet gara e Premier Ligës.

Në këtë garë marrin pjesë vetëm 100 garuesit më të mirë nëpër kategori.

Kosovën e përfaqësojnë Herolind Nishevci (+84  kg), Alvin Karaqi (-84 kg), Orges Arifi (-60 kg) dhe Fortesa Orana (+68 kg), ndërsa drejtësinë do ta ndajë gjyqtari Ardian Muhadri.

Me ekipin e karatesë ndodhet edhe përzgjedhi Ylber Syla.

Orgesi garon sot, ndërsa tre garuesit tjerë garojnë nesër.

Premier Liga Paris 2019 është e vlefshme për të fituar pikë Olimpike për Lojërat Olimpike Tokyo 2020.

Komiteti Olimpik i Kosovës iu uron suksese të gjithë garuesëve.