Kishte fituar lotarinë britanike, por i lutet futbollistit shqiptar për martesë

Jane Park, e cila mori vëmendjen e mediave në Britani, pasi fitoi një lotari të madhe që në moshën 17 vjeçare, ka postuar foto me nënkuptime seksuale ndaj futbollistit Florian Kamberi.

Park ka bërë një ëmbëlsirë në formë zemre me emrin Kamberi, ku thotë “martohu me mua”.

Më pas ka postuar një foto tjetër ku shkruan nënkuptimin seksual “BJ Queen”, që do të thotë “mbretëresha e seksit oral”.

Kamberi është një futbollist që ka lindur në Zvicër nga prindër kosovarë. Ai luan në Britani për Hibernian FC, si sulmues, transmeton Gazeta Olle.

Jane Park fitoi një lotari në moshën 17 vjeçare, dhe pak javë më parë tërhoqi vëmendjen e mediave kur ofroi pagesë për atë djalë që do t’i vinte për lidhje serioze. Ajo madje tha se lotaria e kishte bërë më pak të lumtur.