Henderson: E dija që Kosova është shumë e rrezikshme përpara, fitore e rëndësishme për ne

Jordan Henderson e ka pranuar se Anglia bëri disa gabime nga të cilat pranoi gola në fitoren 5:3 kundër Kosovës, për të cilën thotë se ai dhe bashkëlojtarët e tij ishin të vetëdijshëm se ishte e rrezikshme.

Mesfushori i Liverpoolit thotë se ndihet i zhgënjyer me lojën në mbrojtje dhe me tri golat e pranuara.

Anglia e mundi Kosovën 5:3 në Southampton, duke e forcuar vendin e parë në Grupin A me pikë maksimale nga katër ndeshje.

Kosova e pësoi humbjen e parë pas plot dy vjetëve apo 15 ndeshjeve.

Ndërkohë, Anglia e Southgate e realizoi fitoren e katërt në po kaq ndeshje në Grupin A deri tani, të cilit i prin si lidere e padiskutueshme.

Duke folur pas ndeshjes për “Supersport”, mesfushori Jordan Henderson tha:

“Kemi qenë shumë të mirë me topin dhe kemi krijuar shumë dhe kemi shënuar. Por në mbrojtje kemi humbur topa duke pësuar gola naivë që është zhgënjyese”.

“Ne e dinim që Kosova ishte e rrezikshme. E dinim që ata mund të shënonin gola”.