Gjilani reagon dhe zbulon cili futbollist i tyre sot është ofenduar në baza racore

Gjilani ka fituar sot në udhëtim te Vushtrria me rezultatin 3:1.

Përkundër fitores, Gjilani ka dalë me një reagim duke shkruar se futbollisti i tyre, Jackson Ferreira është ofenduar në baza racore, përcjellë Gazeta Olle.

Gjithashtu, Gjilani ofron mbështetje të plotë futbollistit brazilian të tyre, ndërsa pret që kjo dukuri të dënohet.

Image result for Jackson Ferreira gjilani

REAGIM:

Përgjatë zhvillimit të takimit të sotëm disa tifozë të Vushtrrisë nuk kursyen dhe ofendimet karshi futbollistëve dhe stafit tonë.
Disa prej tyre përdorën gjuhën më banale, e disa ofenduan edhe në baza racore futbollistin tonë Brazilian, Jackson Ferreira.

SC Gjilani dënon rëndë këto dukuri në stadiumet tona të cilat nuk kanë vend në ambientin ku duhet të zhvillohet futboll dhe jo të ofendohet futbollisti ynë në ato lloj mënyra, nga ata tifozë që në asnjë moment nuk e kursyen atë nga këto lloj ofendime.

Skuadra e Gjilanit i qëndron afër dhe e mbështet futbollistin tonë dhe me shpresë se këto dukuri negative të cilat fatëkeqësisht janë ende prezente në stadiumet tona, të ndalen dhe rastet sikur ky i sotmi të mos përsëriten më.

Gjithashtu bëjmë apel nga organet kompentete, që këta persona të zbulohen dhe të marin dënimet e tyre të merituara, pasiçë, ato ndikojnë negativisht edhe në mbarëvajtjen e kampionatit elitar në Kosovë.

SC Gjilani
Gjilan, 07 Nëntor 2019