FXhK iu drejtohet autoriteteve shtetërore, lidhur me rifillimin e stërvtijeve

Federata e Xhudos e Kosovës ka publikuar një plan për rifillim të stërvitjeve.

Ky plan pritet të jetë i ndarë në dy faza, ku faza e parë do të niste me 18 maj dhe do të përfundonte me 1 qershor.

Faza e dytë do të ishte ajo nga 1 qershori, deri në ndonjë vendim tjetër të autoriteteve shtetërore.

Më poshtë Gazeta Olle ua përcjell komunikatën e FXhK të postuar në faqen e tyre zyrtare, ku edhe shihet plani për rifillimin e stërvitjeve.

Me shpresë që MKRS dhe KOK do punojnë më me ngulm me Ministrinë e shëndetësisë dhe IKSHP për fillimin e stërvitjeve nëpër klube më së largu më 18 Maj,Federata e xhudos propozon një model për rifillim të stërvitjeve për sportin e xhudos si vijon :

Faza e parë 18 Maj – 01 Qershor
– Stërvitje në ajër të pastër
– Të respektohet distanca 2 m
– Stërvitje në grupe deri 10 persona + 1 trener
– Grupi të jetë me njerëz të njejtë çdo stërvitje
– Përshëndetjet me përkulje ( si në foto )
– Përmbajtja e stërvitjes (Fizike,fleksibilitet, koordinim duar e këmbë për xhudo )

Faza e dytë 01 Qershor deri në vendim tjetër
– Stërvitje në sallë
– Stërvitje në grupe deri 10 persona + 1 trener
(Mundësisht grupet e njejta nga faza e parë )
– Stërvitjet e xhudos me vetëm një partner
– Pa ndrrim të partnerit gjatë stërvitjes
– Partnerët ku ka mundësi të bëhen nga garues që jetojnë bashkë
(Vëlla më vëlla,motër me motër etj )
– Rekomandohen stërvitje teknike
– Rekomandohen stërvitje për breza.