FBK “godet” Bashkimin për rastin e vizave

Federata e Basketbollit të Kosovës ka reaguar në lidhje me rastin Bashkimi, të cilëve siç u tha nuk iu lëshuan vizat nga Ambasada Bullgare, për ndeshjen e Ligës Ballkanike.

Në reagimin e FBK-së, akuzohet Bashkimi, të cilët sipas FBK-së, nuk u konsultuan fare me ta, raporton “GazetaOlle.com”.

Me këtë rast, FBK shkruan se nuk mbanë përgjegjësi për veprimet individuale të klubeve.

prishtina bashkimi

Reagimi i plotë i FBK-së.

Federata e Basketbollit e Kosovës (FBK) tash e sa vite ka bashkëpunim shumë të mirë me Ambasadën e Bullgarisë në Prishtinë më saktësisht me Shërbimin Konsullor të kësaj Ambasade, e cila gjithnjë ka qenë korrekte me FBK-në.

Prej vitit 2015 kur FBK është bërë anëtare me të drejta të plota në FIBA është duke marr pjesë me 5 Përfaqësuese të Reja në Kampionate Evropiane, Divizione B dhe C, ku këto gara janë organizuar edhe në Bullgari dhe kështu Ambasada e Bullgarisë në Prishtinë gjithnjë ka qenë bashkëpunëtore e ngushtë e FBK-së, duke treguar gatishmëri dhe korrektësi në çdo aspekt.

Andaj Federata e Basketbollit e Kosovës ndjen keqardhje për atë çfarë ka ndodhur me klubin e basketbollit Bashkimi nga Prizreni dhe me këtë rast deklaron se nuk mban përgjegjësi për veprimet individuale të klubeve, të cilat nuk kane qenë të koordinuara apo edhe në dijeni të FBK-së.