Erza zë vendin e shtatë në Kroaci

Erza Muminoviq e ka zënë vendin e shtatë në Kupën Evropiane U18 në Zagreb të Kroacisë, në kategorinë -48 kilogramë.

Muminoviq fitoi 3 ndeshje dhe humbi 2 të tjera duke zënë pozitën e shtatë, raporton Gazeta Express. Erza në ndeshjen e parë e mposhti me wazaari dhe tri dënime për ippon Hungarezen Lilla Hegedus. Në ndeshjen e dytë ajo mposhti me wazaari dhe ippon sllovenen Diana Sterman.

Por u ndal në çerekfinale përballë kroates Viktorija Ana Puljiz, e cila e mposhti me tri dënime për ippon.

Erza vazhdoi të ndeshej në repasazh, ajo mposhti me wazaari italianen Sara Cesseli. Para se të humbiste me ippon kundër moldaves Liliana Scutari.

Arbër Nikqi (-60kg) humbi në ndeshjen e parë kundër Serbit Damir Kajic.