De Biasi ka këto fjalë për botërorin me 48 kombëtare

Zgjerimi i kampionatit botëror ishte një vendim që u prit mjaft mirë nga opinioni sportiv në Shqipëri. Kjo për faktin se me shtimin e kombëtareve pjesëmarrëse, ndizen shpresat e kuqezinjve për të regjistruar kualifikimin e parë historik në këtë garë.

Ky vendim i FIFA-s është pritur mjaft mirë nga trajneri i kombëtares shqiptare Gianni de Biasi i cili ka deklaruar për mediat italiane se tashmë shtohen mundësitë e përfaqësueseve të vogla për të qenë pjesë e kampionatit botëror.

Tekniku 60-vjeçar u ndal edhe tek përshtypjet e tij personale në stolin e kombëtares shqiptare “Të stërvitësh një skuadër të vogël të jep motivacione të mëdha dhe nuk ka atë përgjegjësi që të atribuohet kur drejton ekipe me peshë. Jeta nuk të lë kohë të mendohesh shumë, duhet të prodhosh vazhdimisht rezultate, dhe ti vendosësh vetes objektiva, pa u kënaqur më atë çfarë ke arritur të realizosh”.

Loading...