BILD: Behrami gjen klubin e ri

Mesfushori i Hamburgut, Valon Behrami mund të rikthehet në Serie A, tek ish skuadra e tij, Napoli.

Valon Behrami mund të rikthehet në Serie A, gjatë këtij afati kalimtar të verës.

Sipas të përditshmes gjermane “Sport Bild”, ish skuadra e tij, Napoli, është në mesin e klubeve të interesuara për mesfushorin që pritet të largohet nga Hamburg për rreth 3.5 milionë euro.

Në muajt e fundit, Behrami ishte përmendur si objektiv i Interit, kurse do të largohet nga Bundesliga pas një stinori të kaluar nën nivel të ultë dhe me ekipin që u gjend në luftë për mbijetesë.