Behar Maliqi flet për lëndimin dhe mungesën e tij

Behar Maliqi do të jetë mungesë e madhe për Feronikelin në disa ndeshje të ardhshme të kampionatit.

Mesfushori më i mirë në Superligë, do të mungojë disa javë, pas një lëndimi që e pësoi të martën në përballje me Gjilanin.

Maliqi ka treguar për momentin e lëndimit, pas një dueli që pati me një futbollist të Gjilanit.

“Lëndimi ka ndodhur në ndeshje kundër Gjilanit. Një lojtarë ka qenë duke e goditur topin, por i ka ikur pak topi dhe unë kam shkuar në bllok dhe futbollisti i Gjilanit në të njëjtën kohë e ka goditur topin dhe këmbën time. Në atë moment mu ka shtrënguar shumë këmba dhe jam larguar pastaj nga loja”, deklaroi Maliqi.

Ai theksoi se është i lumtur që lëndimin do ta kalojë pa pasur nevojë që të operohet.

“Pas rezonancës që e kemi bërë te doktori Qerim Kida, ai më ka thënë se duhet të pushoi disa javë derisa të më kalon. Lëndimi im ka të bëjë me zgjatjen e brendshme të ligamenteve dhe mund të them që jam me fat që nuk i jam nënshtruar operimit, por lëndimi do të kalojë pa u operuar”, tha numri 20 i “Niklit” për Gazeta Tribuna.