Befason sportistja e MMA-së: Më shumë para marr nga Instagrami sesa nga UFC-ja

Paige VanZant, e konsideruar si një nga sportistet më seksi në artet marciale mikse, ka deklaruar se nuk duelon shpesh në kafaz pasi ky sport nuk i jep shumë të ardhura.

Sidoqoftë, ajo ka ende edhe një duel për të zhvilluar me UFC-në sipas kontratës që ka me këtë sport dhe më pas do të shohë se çfarë do të bëj në të ardhmen, shkruan insporti.

“Unë fitoj më shumë para duke qëndruar në shtëpi dhe duke postuar foto në Instagram se sa duke duluar në kafaz për UFC-në. Kur kemi bërë kontratën me UFC-në ata më thanë se nuk mund të më paguajnë shumë se një kampione. Dakord, por ajo që na japin është qesharake krahasuar me fitimin që kanë”, tha VanZant.

VanZant, që ka 8 fitore e 4 humbje në artet marciale mikse, sqaron:

“Të jem e sinqertë dëshiroj një pagesë më të mirë. Kam qenë dy herë në eventet kryesore të UFC-së, mendoj se meritoj më shumë”.

Paige VanZant mendon se në të ardhmen mund të kalojë në disiplina të tjera sportive luftarake të ngjashme me UFC-në.