Atletico me ofertë të çmendur për James Rodriguez

James Rodriguez duket se do ta vijojë karrierën në Madrid, por jo te Reali, që e ka jashtë planeve dhe pret ofertën më të mirë për ta shitur.

Sipas së përditshmes Marca, fantazisti kolumbian dëshiron të jetojë në kryeqytetin spanjoll, por Bayern nuk e pagoi klauzolën prej 42 milionë eurosh (propozimi përmbante 3 këste nga 14 milionë) dhe tashmë as Napoli nuk pranon të shkojë aq lart.

Këtu përfiton Atletico e Madridit, që sapo ka arkëtuar 120 milionë euro nga shitja e Griezmann te Barcelona dhe a gati një ofertë gjigante për James.

Atletico me ofertë të çmendur për James Rodriguez!

Atletico ka gati 50 milionë euro për Realin, plus 10 milionë euro në bonuse, me kusht që shifra të paguhet në 5 vite, raportojnë në Spanjë.

Një shifër shumë e rëndësishme, që natyrisht tundon Realin, sepse arka është bosh pas shpenzimeve kolosale të kësaj vere, por problemi i vetëm është që Florentino Perez kërkon para tani dhe jo me këste. Nëse është e vërtetë oferta, mbetet për t’u parë, sepse nuk përjashtohet që të jetë një tymnajë për të trembur Napolin.