Arbër Zeneli debuton me humbje te Heerenveeni

Mesfushori-sulmues nga Kosova, Arbër Zeneli, ka debutuar në elitën e futbollit holandez, në fanellën e Heerenveeenit.

Futbollisti nga Kosova në këtë afat kalimtar kaloi nga Elfsborgu në Suedi te Heerenveeni, transmeton Gazetaolle.com.

Zeneli luajti për 90-minuta në humbjen që skuadra e tij e pësoi nga Zwolle në fushën e kësaj të fundit me shifrat 5:2.

Kjo ndeshje u zhvillua në kuadër të javës së 18-të në elitën e futbollit holandez.

Zeneli është 20-vjeçar derisa aktivizohet edhe me Kombëtaren e Suedisë U-21. /Olle