Ajeti i jashtëzakonshëm, afër të bëhet golashënuesi më i mirë në Zvicër

Albian Ajeti ka vazhduar shkëlqimin në futbollin zviceran.

Sulmuesi nga Kosova ka qenë i jashtëzakonshëm për Baselin në ndeshje ndaj Young Boysit.

Llapjani ka arritur të shënoj dy gola ndaj kampionit të ri të Zvicrës, në fitoren e thellë të Baselit 5-1.

Fillimisht Ajeti shënoi golin e parë në minutën e 22-të pas asistimit nga Elyounoussi.

Ajeti i jashtëzakonshëm, shënon dy gola dhe bëhet golashënuesi më i mirë në Zvicër

Ndërkohë golin e dytë personal sulmuesi nga Podujeva e realizoi në minutën e 79-të ku kësaj radhe asistues ishte Zuffi.

Me dy golat e shënuar këtë mbrëmje, Ajeti ka marrë vendin e parë në listën e golashënuesve në Zvicër.

21-vjeçari deri më tani ka shënuar 15 gola dhe ka lënë mbrapa sulmuesin francez Guillerme Hoarau me një gol më pak.