Zyrtare: Rron Broja largohet nga FC Shkupi

Skuadra e FC Shkupit në radhët e veta kishte një ndër futbollistët më të mirë në mesfushë, Rron Brojën i cili me klubin bardhekaltër u bashkua në janar të vitit 2018.

Brojës i kishte përfunduar kontrata dhe në tentim për të gjetur bashkëpunim të ri dhe për renovim të saj, nuk u arrit marrëveshje e re.

“Dua të shfrytëzoj rastin t’i falënderoj të gjithë tifozët e FC SHKUPIT, kryesinë, bashkëlojtarët dhe stafin për mundësinë që të luaj për Shkupin dhe për dy vitet e mrekullueshme në klub. Ishte ndjenjë e veçantë të bartë këtë fanellë dhe të luaj para një tifozërie të zjarrtë siç janë “Shvercerat”. Gjithmonë do të ketë  një vend për FC SHKUPIN dhe SHVERCERAT në zemrën time”, ka thënë Broja, përcjell GazetaOlle.com.

Rron Broja në sezonin që lamë pas kishte 29 paraqitje me Shkupin, duke shënuar një gol dhe dy asistime.